يوميات مصرية
/////
24 ////
ـــــــــــــــــــــــــــ
محاكمة فرعون
// 7 //
الديب يدافع عن فرعون !
كلمات
أحمد
النجار
شاعر مصري
مازلنا نحلم مع أم الدنيا ، نبحر مع القرون والأزمان ، نعيش آمال
وأحلام شعبنا المصري السوداني .
دخلنا الآن القرن التاسع بعد
الألفية الثالثة ، يعني سنة 3900 ميلادية .
في ذلك القرن اكتشف المصريين كنز حقيقي
في سد أسوان العالي
إنه طمي النيل الذي حجزه السد
العالي عشرات القرون !
فكان قرارهم إنشاء خط سكة
حديد مخصوص لنقل طمي النيل إلي جميع الأراضي الزراعية في مصر
والسودان .
تم تغذية الأراضي الزراعية في كل مكان
في مصر بطمي النيل ، وكانت النتائج
مدهشة ، حيث رأي المصريين ولأول
مرة في تاريخهم مزروعاتهم تنضج بدون
كيماويات ،،فاكهة طازجة وبقوليات
وقمح وقطن !
وبالتالي اختفت كل الأمراض الفتاكة
بتاعة المغدور مبارك وعصابته ، وزادت أعمار الناس في الشعبين المصري
والسوداني إلي 200 سنة .
وانبهر العالم المتقدم باختراع المصريين
وطلب منهم تصدير طمي النيل ، ساعتها كشرّ النيل عن أنيابه ورفض نهائياً طلب
الدول المتقدمة ، قائلاً أن طمي النيل
قطعة من روحي ، وهل يبيع أحد روحه ؟!!!!
ـــــــــــــــــ تعالوا نبدأ معاً حلمنا المصري السوداني ــــــــــــــــــــ
اخناتون ......
ملك الفراعين ....
عاش عمره ....
في صحة
وعافية ...
وقلب متين ...
كان يأكل ...
من خير المحروسة ...
فاكهة طازجة ...
حلوة وشافية ...
سألوه
أزاي ....
نزرع أراضينا ..؟!
قال طمي النيل ...
قوته كافية ...
تجعل أرضيكم ...
خصوبتها ....
عالية ووافية ...
عاش الفراعين ...
في سعادة ...
مزروعاتهم ....
فوق العادة ...!
ـــــــــــــــــــــــــــــــــ
مرت القرون ...
والأزمان ...!
ودخلنا القرن ...
التاسع بعد ...
الألفية
الثالثة ...
سنة 3900 م
وقالوها ناسنا ....
أهل زمان ...
الأرض محتاجة
حنان ...
وأيادي تطبطب ...
علي قيدها ....
تسقيها من ....
عرق القلب ...
طمي يغذي ...
زرع وليدها ...
أم الدنيا ....
قالت هايل ...
طمي النيل ....
فيتامين ويفيدها ...
في السد العالي ....
موجود مليار طن ....
أيام جدودها ...!
قالت نعمل ....
سكة حديد ...
مخصوصة ....
للطمي ونيله ...
حول السد ....
تلف تدور ...
وتجيب الطمي
وتشيله ..!
وتجيب الطمي ...
وتشيله ...!
ـــــــــــــــــــــــــــــــ
أراضينا عطشانة ....
حقيقي ...
عايزة الطمي ...
وتدعي له ...
خصوبتها ....
عايشة بكيماوي ...
خلت شعبنا ....
مهدود
حيله ...!
صحته كلها معاناة ...
أمراض فتاكة ...
قتلاه ...!
عوده الأخضر ....
مات وتاه !!
طمي النيل ....
كان ليه مُحاياه ...!
زرعه وأرضه ....
قالت
ياه !!
قالت ياه ...!!!
ـــــــــــــــــــــــــــــــــ
ليه سدودكم ...
كانت حاجزاه ...؟!!
ورأينا فاكهة ....
طبيعية ...
أحجامها ...
كانت حقيقية ...!
مش هرمون ....
يجعلها أذية ...!!
للحيوان ...
والبشرية ...!
أخويا عويس ....
زرع أرضه ....
قمحات حلوة ....
ذهبية ...!
بالطمي كان يسقيها ...
من غير ....
أملاح كيماوية !
الفدان طرح فدادين ...
بالبركة ...
كانت مروية ...!
وأخوه دعبس ....
قال أنا روحي ....
في طين ....
الأرض الزراعية ...
وأعامله
كأنه ....
وليدي ...
يرضع طمي النيل ...
من ايدي ...
ولمّا فطمته ...
زعل مني ....
قال إنتاجي ....
ليك ...
مش ليا ....!!
قال إنتاجي ....
ليك ...
مش ليا ...!!!
ــــــــــــــــــــــــــــــ
أوعاك تمنع ...
طمي النيل ....
عن أرضك ....
أوعاك تفرّط ...
في عِرضك ....
لأجل زراعتي ....
تكون حيوية ...!
ومحاصيلي ...
تكفي ...
البشرية ...!!
دعبس
قال ...
أرضى
حياتي ...
ألقي فيها ....
روحي وذاتي ...
طمي النيل ...
فيه ريحة منها ...
أسراره فيها ....
سر نجاتي ....!
أسراره
فيها ....
سر نجاتي ...!!
ــــــــــــــــــــــــــــــ
أم الدنيا قالت ...
الطمي أساسي ...
في أراضيكم ...
فيه إحساسي ...!
المحاصيل ....
إنتاجها وفير ...
يكفي شعبي ....
وأهلي وناسي ...
ولا نشحت ...
قمح من العالم ...
تجرحوا في ...
مشاعري ....
وإحساسي ...
طمي النيل ....
فيه إعجاز ..!
زوّد خصوبة ...
أراضينا ....
من غير ....
كيماوى نزرعها ...
بالخيرات كانت ....
تعطينا ...
محاصيل طازجة ...
تكفي الكل ...
ولا فرعوني ...
يعيش في الذل ...!
يشتري فاكهة ....
كمان وخضار
...
بأـسعار ...
معقولة وفُل ...
مش ذى أسعار ...
الأيام دي ...
خلتنا عايشين ....
في ذُل ...!
حيرانين نعمل .....
إيه في حكومتنا ...؟
يجازيها
الله ...
خربت بيتنا ...!
شربت علي ...
أرواحنا شاي ...
طعمه مُر ....
ذي عيشتنا ...!
وفي التموين ...
كمان حرمتنا ...
من السكر ....
ومعاه زيتنا ...!
من السكر ....
ومعاه زيتنا ...!!
ــــــــــــــــــــــــــــــــ
أم الدنيا عرضت ...
علي العالم ....
إنتاج أراضيها ....
الزراعية ...
من غير كيماوي ...
حلوة وطازجة ....
وبلدية ...
العالم احتار ...
في سر الأرض ...
الزراعية المصرية ...!
سأل ، قالوا ....
طمي النيل ...
أملاحه عالية ومعدنية!
قال لأم الدنيا ...
أعطيني ...
شوية طمي باتفاقية ...
قالت أنا ...
هبة النيل ....
هوا حبيبي ....
صاحب الطمي ....
عارف أسراره ...
العلوية ...!
النيل كشرّ ...
عن أنيابه ...
قال أنا ....
رافض الاتفاقية ..
الطمي من حق ...
مصر ومعاها ....
أختها السودانية ...
خلّي الغرب ....
يزرع أراضيه ...
بأملاحه الكيماوية ...
فاكهتنا الحلوة ...
تعطوه ....
بالعملات
الدولارية ...!
ليه شعبنا تحرموه ...
من خير أراضيه ...
الزراعية ...؟!
حاجة عجيبة ...!
حاجة غريبة
...!
الباذنجان ...
أسعاره خرافية ...!
الفلفل أبو تاج أخضر ..
أغلي من الموزة ....
المغربية
...!!
الناس تعمل إيه ...
في حكومتنا ...
المدبولية ؟!!
أم الدنيا خلاص ....
كرهتهم ...!
لمّا شعبها ...
عاش في آسية ...!
نفسنا يمشوا ...
أو ينصابوا بحمي ...
قلاعية ...!
كل وزرائنا ...
خايبين ...
خيبة قوية ..!
والشعب عايش ...
حيران ، يائس ...
عايز حل للقضية ..!
عايز حل للقضية ..!!
عايز حل للقضية ..!!!
ــــــــــــــــــــــــــــــــــــــ
ونكمل محاكمة فرعون ...
سارق الأمة الفرعونية ....
فريد الديب أصله محامي ..
واعر جداً في المحاماه ...
فرعون عمل له توكيل ...
قال الديب تفكيره حياة !
البراءة معاه مضمونة ...
والقاضي في دفاعه تاه ...!
سأله القاضي .....
المتهم
أصله فرعون ...
ليه عامل نفسه عيان ؟!
الديب قال له ...
سيادة القاضي ....
فرعون والله تعبان ..
لما شاف حكمه ينهار ...
والهتاف ليل مع نهار ...
خسر مع شعبه الرهان !
القاضي شخط في الديب ..
قال كفاية تقول كلام ...
ومعاني بدون ألوان ...!
روح يا ديب شاور فرعون ..
علي طول شايفه سهتان !!
لو كان علي حق يقول ....
لو كان باطل ها يبان ...!
الديب راح لفرعون ...
قال يا باشا عايز حلول ...
لو سألك القاضي اعمل ...
نفسك عيان علي طول !
أوعاك تنطق جملة مفيدة ..
وتظهر انك مسئول ...!
قول له حكومتي روح ....
اسألها أكيد ها تقول ....
القاضي قال يا نظيف ....
مين القاتل ومين مقتول ؟
نطق نظيف أي كلام ....
من غير منطق مش معقول !
قال القاضي عيب يا نظيف ..
خلي كلامك كدة مقبول ...!
نظيف خاف من فرعون ...
قال للقاضي أنا مسئول !
القاضي سجل اعترافاته ...
قال السجن قوام ها تنول ..!
نظيف بكى بدموع عينه ...
لما شاف السجان ...
قال أزاي أدخل السجن ؟
أنا كنت عايش في أمان !
في وزارتي كنت الحكواتي ...
لفرعون السلطان ...!
كان يقول جدع يا نظيف ...
اخدع شعبي بالحنان ....
قول فرعون أبو الفراعين ..
عمره ما باع شعبه أو خان !
دخل نظيف السجن ....
واحتار المأمور في منامه ..!
أصله طويل زي النخلة ....
صعب تلاقي سرير في مقامه !
سألوا فرعون ...
إيه الحل ...؟!
قال لهم اعمل إيه ...
ينام نظيف علي الواقف ...
يمكن يفسر أحلامه ....!
نظيف زعل من فرعون ...
قال دى آخرة خدمتي ...
لسعادة فرعون وسلامه ..!
يتركني أعيش في سجون ..
والقيود هي وسامه ....!
الديب تدخل قال يا نظيف ...
السجن مدرسة الرجال ...
كنت في وزارتك راجل ...
عايز في سجنك دلال ...!
الشعب كنت تعصره ...
مثل حبة برتقال !
لأجل يرضي عنك ...
أبو الفراعين وشلة الأنذال !
قولنا نظيف طرطور ....
يمكن يخجل من نفسه ....
وبنفسه استقال ....!
لكنه فرح
بالمنصب ...
ووزارة البغال .....
بغل أول نطق .....
قال وزارتي المالية ...
والشعب كله جعان ....
طلب مني زيادة ....
في الأجر والماهية ....!
فرعون قال بلاش ...
شعبي أصله ضحية .....
خاضع علي الدوام ....
وخسران القضية ....!
خسران القضية ....!
بغل تاني
قال .....
كان شغلي الاقتصاد ...
حذرت فرعون كتير ...
من الفقر والكساد ...
وهمس لي علي انفراد..
أنت اسمك رشيد ....
لكن خسارة ....
عقلك ناقص رشاد ....!
شعبي راضي بفقره ...
طالب مني الوداد .....!
بغل ثالث نطق ....
فال شغلي السياحة ....
كان همي كله يعني ...
وبمنتهي الصراحة ...
اسرق فلوس فرعون ...
واعمل كام استراحة ..!
فرعون قال له يا طور ...
كنت تسرق في مالي ....
بمنتهي البجاحة ....!!
القاضي سمع كلامهم ...
رفع الجلسة دوغري ...
وقال للديب سمعت .....
كلاب فرعون اعترفت ..
ودفاعك
عنه باطل ....
أسانيده غير متاحة ...!
أسانيده
غير متاحة ...!
أسانيده غير متاحة ...!
أسانيده غير متاحة ...!
أسانيده غير متاحة ...!
أسانيده غير متاحة ...!
أسانيده غير متاحة ...!
ــــــــــــــــــــــــــــــــــــــــــــــــــــــــــــــــــــــــــــــــ
أحمد النجار
شاعر مصري
///// المحاكمة مستمرة إن شاء الله
///////////
تعليقات
إرسال تعليق